Perda Dodolan Ayat Suci Disahkan DPRD Kebumen?

Si Ragil ora ana perda ya wis katam quran

BumenPriben; – Pancen maen nek ada peraturan daerah (perda) sing ngatur bab baca tulis Alquran. Kabare nang 23 Januari 2014 diagendakan penyampaian pendapat bupati atas Raperda tentang penyelenggaraan pendidikan dan pembelajaran baca tulis Al-quran ngepasi sidang paripurna. Sekretaris DPRD Kebumen, Budhi Santoso,  wis ngrancang, rapat paripurna perdana  2014 nangaring 20 Januari, mbahas patang rancangan peraturan daerah (Raperda) sisan. Raperda tentang retribusi pelayanan pendidikan, Raperda perlindungan tenaga kerja Indonesia atau calon tenaga kerja Indonesia, Raperda tentang penyelenggaraan penanggulangan bencana. Siji maning Raperda tentang perubahan keempat atas peraturan daerah Kabupaten Kebumen nomor 14 tahun 2008 tentang organisasi dan tata kerja lembaga teknis daerah, satuan polisi pamong praja dan kantor pelayanan perizinan terpadu.

      Nah tanggal 23 Januari diagendakan rapat paripurna penyampaian pandangan umum fraksi maring patang Raperda mau. Terus tanggal 27 Januari gantian Bupati nanggapi pandangan umum fraksi. Bar kuwe Bupati uga njelasna persetujuan dari Menteri Keuangan RI dan Gubernur Jawa Tengah, ngenani Perda tentang retribusi pengolahan limbah cair, sing terus bisa ditetapkan. Nang dina kuwe uga dibabarna tanggapan dan jawaban fraksi terhadap Raperda tentang penyelenggaraan pendidikan dan pembelajaran baca tulis Al-quran.

Pak Mahfudz dialog nang Bandung Kebumen

      Tumrap guru ngaji sing seprana-seprene mulang bocah-bocah awit alip bata nganti katam Quran kanti ikhlas, ana apa ora ana perda kaya kuwe blas ora kepikir. Lha wong babagan ngaji kuwe ya ora perlu diatur perda mbarang. Pancene nek mengko perdane dicabut, ngajine leren?

      Persis kaya pengendikane Pak Mahfudz MD nalika silaturahmi nang Pondok Pesantren Nurul Hidayah Desa Bandung Kecamatan Kebumen pungkasan Desember mekiki, status perda kuwe hukume nang ngisore undang-undang. Nek secara undang-undang kok bertentangan, Mahkamah Agung bisa mbatalna. Seumpama sing diatur masalah syariat atau agama Islam, kaya ta masalah zakat apa soal pengajaran Al Quran, terus MA nganggep perda kuwe bertentangan dengan Undang-Undang yang berlaku di NKRI, apa enggane ora blai. Ana ajaran Al Quran kok dibatalna nang menungsa. Ya umat Islam nlangsa lah. 

      Pak Mahfudz sing siki wis dadi manten ketua Mahkamah Konstitusi kuwe ngendika masalah perda berbasis agama, kaya perda penyelenggaraan pendidikan dan pembalajaran baca tulis Al Quran nang Kebumen mergane dikompori nang Kang Tajib, aktivis LSM penggerak Gusdurian, sing prinsipe ora setuju masalah agama kudu diatur nang negara. Dadi pancen aneh nek ana fraksi  ngomonge penerus cita-cita Gus Dur, ning kok setuju anane perda tentang pendidikan Al Quran sing mengko tiba mburine dudu kepriben carane bocah-bocah berperilaku qur'any. Nanging kaya sing uwis-uwis buntute ya mung rebutan proyek. Buktine, proyek pengadaan Al Quran bae ya dikorupsi. Nek kaya kuwe dadine ya dodolan ayat suci. Ora nekakna manfangat, ning malah olih laknat Allah. Na'udzubillahi min dzaalik! (Kholid Anwar)